KOMANDAMIZ

Ramil Məhərrəmov

Ramil Məhərrəmov

Direktor

Ramil Məhərrəmov tikinti, turizm, tekstil, eləcə də informasiya texnologiyaları şirkətlərində geniş və hərtərəfli təcrübəyə malikdir.

Ramil Məhərrəmov “Baku City Residence” şirkətinin direktoru vəzifəsini icra edir. 

O, tikinti, istehsalat, tekstil, turizm və otelçilik sənayesi, eləcə də informasiya texnologiyaları sahələrində malik olduğu çoxillik idarəetmə bacarıqları sayəsində bir sıra mühüm layihələrə imza atıb. Komanda üzvlərini satış strategiyasının hazırlanmasında faydalı olacaq məlumatlarla təmin etmək, satış prosesində və müştərilərlə kommunikasiyanın yaradılması zamanı hər hansı texniki problemlə üzləşdikdə operativ texniki yardım göstərmək, eləcə də işin gedişatına cavabdehlik Ramil Məhərrəmovun 12 illik iş təcrübəsinin nəticəsidir. 

Ramil Məhərrəmov "Kempinski Hotel-Badamdar" kompleksində Texniki direktorun İnzibati köməkçisi, "Gilan Textile Park"da İstehsal meneceri, Development MTK-də İcraçı direktor vəzifələrində çalışıb. 

Bakalavr təhsilini Turizm və sosial mədəni servis xidməti istiqamətində alan Ramil Məhərrəmov Azərbaycan Dövlət İqtisad Universitetinin məzunudur.

Zahid Qədimli

Zahid Qədimli

Maliyyə müdiri

Zahid Qədimli maliyyə və audit sahəsində 10 ilə yaxın təcrübəyə malikdir.
Maliyyə resurslarının düzgün planlaşdırılması və icrası, o cümlədən uçot və statistika məlumatlarının dürüstlüyünün təmin edilməsi, beynəlxalq daxili audit standartlarına uyğun olaraq audit layihələrinin icrası və bir sıra əlaqəli istiqamətlərdə 10 ilə yaxın iş və bilik təcrübəsi olan Zahid Qədimli “Baku City Residence” şirkətinin maliyyə müdiri vəzifəsini icra edir.

Zahid Qədimli 2014-2022-ci illər ərzində Böyük audit dördlüyü şirkətlərinin birində audit üzrə Bakı və London ofislərində menecer vəzifəsində çalışmışdır. 2017-ci ildən isə Sertifikatlı Mühasiblər Assosiasiyasının (ACCA) üzvüdür.

Zahid Qədimli 2009-2013-cü illərdə Azərbaycan Dövlət Neft və Sənaye Universitetinin ABŞ-ın Corciya Dövlət Universiteti ilə birgə proqramı üzrə bakalavr dərəcəsində təhsil alıb.

Vəfa Quliyeva

Vəfa Quliyeva

Marketinq üzrə direktor müavini

Vəfa Quliyeva telekommunikasiya, media, idman, tikinti və data analizi şirkətlərində təqdirəlayiq iş təcrübəsinə sahibdir.

Telekommunikasiya, marketinq və media rəhbəri kimi 15 illik iş təcrübəsinə malik olan Vəfa Quliyeva "Baku City Residence" şirkətinin marketinq üzrə direktor müavinidir.

Vəfa Quliyeva xüsusilə telekommunikasiya sahəsində imza atdığı, yerli və beynəlxalq marketinq bazarında adından söz etdirən layihələrə marketinq rəhbərliyi ilə yanaşı, marketinqin idarəolunması, reklam, inteqrasiya edilmiş marketinq, marketinq strategiyası və media ixtisaslı menecer kimi peşəkar təcrübəyə, geniş spektrli bilik və bacarıqlara malikdir.

O, Azərbaycanda mobil rabitə xidmətlərini göstərən ilk şirkət - Bakcell-də, reklam agentliyi olan "Universal McCann"da, eləcə də rəqəmsal bazara çıxardığı məhsullar ilə tanınan "Digitalks" şirkətində marketinq istiqamətində müxtəlif vəzifələrdə çalışıb.

Vəfa Quliyeva Azərbaycan Dillər Universitetində bakalavr və magistr dərəcələrində təhsil alıb. 

Kənan Mehdizadə

Kənan Mehdizadə

Kommersiya sahələrinin inkişafı rəhbəri

Kənan Mehdizadə maliyyə, tikinti, daşınmaz əmlak və onlarla digər biznes sahəsində çoxillik iş təcrübəsinə sahibdir.

Kənan Mehdizadə Azərbaycanın tikinti bazarında innovativ xidmət təminatçısı kimi tanınan "Gilan Holding"də layihə meneceri, yerli və xarici əmlak bazarlarında daşınmaz əmlakın alqı-satqısı və idarə olunması və konsaltinq xidmətləri sahəsində ixtisaslaşan "Qaya Real Estate"də satış direktorunun müavini, "URBN Limited"də Crescent Bay layihəsində mol və ofis üzrə lizinq menecer, eləcə də "Sabah Residence" MTK-da Yaşayış binalarının idarəedilməsi departamentinin direktoru vəzifələrini icra edib.

Bakı Dövlət Universitetində Tətbiqi riyaziyyat ixtisası üzrə bakalavr təhsili alan Kənan Mehdizadə ikinci ali təhsilini Royal Holloway, University of London-da marketinq və menecment ixtisası üzrə alıb. Eyni zamanda, daşınmaz əmlak və investisiyalarda kommersiya sahələrinin təhlili istiqamətində qlobal təhsil təminatçı olan LEORON İnstitutunun, həmçinin IABFM-in (Biznes və maliyyə marketinqi üzrə Beynəlxalq Akamediya) sertifikatlarına sahibdir.